Lei av å utelukkande få kjøtbollane dine frå IKEA og frysedisken på matbutikken? Fortvil ikkje, her har du ei enkel oppskrift på korleis du lagar dine heilt eigne bollar av kjøt.
Ingrediensar:
- 400g kyllingkjøtdeig
- 2 fedd kvitlauk
- 1 egg
- 3-4 ss griljermjøl/strøkavring (kan sløyfast)
- 1/2 ts salt
- 1/2 ts pepar
Slik gjer du:
- Finhakk kvitlauk og bland saman alle ingrediensane
- Form små bollar med ei teskei og steik dei i olje på middels varme til dei er gjennomsteikte. Når ein skal forme kjøtbollane kan det vere lurt å dyppe skeia i vatn av og til for at deigen ikkje skal henge att på skeia.Tips: Bruk denne oppskrifta som ei grunnoppskrift og bland inn forskjellige krydder og/eller grønsaker i deigen og lag dine signatur-kyllingkjøtbollar.
Tekst & foto: Ingrid Nordvik Krossbakken