Müslibarar er eit godt alternativ som mellommåltid. Desse müslibarane er fullpakka av næring og energi, og held deg mett til neste måltid.
Ingrediensar:
100g mandlar
50g usalta cashewnøtter
70g graskarkjernar
70g solsikkefrø
100g havregryn
25g kokosmasse
50g tørka mango
50g honning
50g peanøttsmør
1 egg
0,5 dl vatn
50g mørk sjokolade (kan sløyfast)
Slik gjer du:
- Sett steikeomnen på 175 grader.
- Grovhakk mandlar og cashewnøtter, og bland det saman med graskarkjernar, solsikkefrø, havregryn og kokosmasse.
- Spre blandinga utover eit bakepapirkledd steikebrett og steik det i omnen i 10-15 min, for så å avkjøle det til romtemperatur. Pass på at det ikkje vert brend.
- Kutt tørka mango i små biter og tilsett i müslien.
- Ha honning og peanøttsmør i ein liten kjele og varm forsiktig opp, så det ikkje brenn seg. Då alt har smelta tek ein kjelen av varmen og tilsett vatn. Når blandinga har romtemperatur pisk inn eit egg.
- Hell honning og peanøttsmør-blandinga over müslien og bland godt.
- Kle ein eldfast form med bakepapir og ha i blandinga. Trykk den jamt utover så den er ca 2 cm høg.
- Steik nedst i steikeomnen i 20 min på 175 grader.
- Avkjøl for så å kutte opp i barar.
- Smelt sjokolade og pynt på toppen.
- Müslibarane oppbevarast i ein lufttett boks i romtemperatur.