Unn deg noko godt til helga og bak desse deilige kjeksa som er sprø utanpå og mjuke inni. Garantert ein ny kjeksfavoritt! Oppskrifta gir ca. 6 store kjeks.
Ingrediensar:
75g romtemperert smør
75g kvitt sukker
75g brunt sukker
1 stk. egg
75g havregryn
75g sikta kveitemjøl
¼ ts salt
½ ts vaniljesukker
1 ts bakepulver
100g sjokolade
Slik gjer du:
- Visp saman det romtempererte smøret og kvitt og brunt sukker, bruk gjerne ein handmiksar slik at det vert vispa godt saman.
- Visp så godt inn eit egg .
- Deretter tilsett ein resten av ingrediensane utanom sjokoladen og bruker ein slikkepott for å blande det saman. Slutt å røre når alle ingrediensane er blanda inn*.
- Kutt sjokoladen i biter og vend det inn i blandinga.
- Sett bollen i kjøleskapet i ca. 15 min.
- Ta ein toppa spiseskei med kjeksdeig og legg det på ein bakepapirdekka steikeplate. Kjeksa vil renne utover når dei steikast så la det vere god plass mellom kjeksa.
- Steik kjeksa på 200 grader i ca. 20 min, tida kjem an på kor store kjeksa vert. Kjeksa skal fortsatt vere mjuke når dei tas ut, dei vil stivne når dei kjølast ned.
- Avkjøl og nyt!
Tips
*Det er viktig at ein ikkje rører for mykje i blandinga etter ein har tilsett mjølet, då vert ikkje kjeksa like «chewy».
