Gjer deg klar til lange, varme sumardagar med ein frisk og enkel pæresorbet.
Ingrediensar:
1 boks hermetiske pærer i sukkerlake
1 lime
Slik gjer du:
1. Frys ein boks med hermetiske pærer i sukkerlake*. Minst 8 timer eller over natta.
2. Ha dei fryste pærene i lake over i ein foodprosessor.
3. Skvis safta av ein lime og tilsett i foodprosessoren.
4. Kjør foodprosessoren* til alt innhaldet er malt til ein sorbet.
5. Server med ein gong eller frys ned for å nyte seinare.
Tips*
– For å sleppe å hakke fryst pære i lake ut frå hermetikkboksen, anbefaler eg å overføre pærene og laken til ein frysepose og fryse dei i den.
– Har du ikkje ein foodprosessor kan ein fint bruke ein blender eller ein stavmiksar, med det kan da vere lurt å la pærene tine litt før ein startar, for enklare å male dei til sorbet.
